" ربنا ينتقم منكم ويخسف بيكم الأرض" كلمات قوية من "روقا" بسبب الضغوط النفسية

أثار محمد أشرف روقا لاعب الزمالك السابق الجدل بكلمات قوية بسبب الضغوط النفسية وحالة النفاق التي يتعرض لها لاعبي الكرة في مصر.

ورحل محمد أشرف روقا عن نادي الزمالك بنهاية الموسم الماضي، وكان يمتد عقد روقا لمدة سنة آخري ولكن يوجد بند بالعقد يجعل من حق نادي الزمالك إنهاء التعاقد بعد الموسم الثاني وهو ما استند عليه نادي الزمالك ليعطي اللاعب الإستغناء الخاص به.

و عبر حسابة الشخصي علي انستجرام كتب محمد أشرف روقا: "بخصوص حالة الحزن اللي يعتبر مصر كلها بتعيشها بسبب وفاة كابتن إيهاب، اللي اسأل الله العظيم أن يكون اللي مر بيه قبل وفاته سببا وشفيعا له يوم القيامة، ومن قبلة وفاة أحمد رفعت".

وأضاف" أنا بستغرب بصراحة من كمية النفاق، والنقص اللي عند كتير من بيدجات الكرة، أو حتي الأكونتات الشخصية اللي بتفضل طول الموسم تريقة علي اللاعيبة، وشتيمة في اللاعب بالأب والأم، وكمية الضغط النفسي علي اللاعيبة بسبب أنهم عملوا حاجة غلط في الماتش".

وأكمل حديثه" أو أن البيدجات ديه ملهاش مصالح مع اللاعيبة دي، يعني مبيستنفعوش من وراهم في عزومات".

واسترسل" وتيجوا في ظرف زي اللي احنا بنمر بيه دلوقتي تفضلوا تمصوا في شفايفكم، وتتكلموا علي الظلم اللي اتعرض ليه كابتن إيهاب جلال، ومن قبلة أحمد رفعت".

وأتم" بإذن الله وحق الأيام المفترجه، ربنا يخسف الأرض بكل واحد أتريق أو سب حد أو مثل ضغط نفسي علي حد، وربنا ينتقم منكم".

 وشارك محمد أشرف روقا  في 21 مباراة مع الزمالك خلال الموسم الماضي بمسابقة الدوري المصري، لم يسجل خلالها أي هدف، وقدم 3 تمريرات حاسمة لزملائه، وفقًا لموقع ترانسفير ماركت.