شوبير لجمهور الأهلي: أوعى تقلب على النادي

تحدث الإعلامي أحمد شوبير عن أهمية مباراة شباب بلوزداد في دوري أبطال إفريقيا مشددا على صعوبة المواجهة أمام الفريق الجزائري.

شوبير لجمهور الأهلي: أوعى تقلب على النادي

وقال شوبير عبر برنامج حارس الأهلي "الجمهور واللاعبين الاتنين بينافسوا في بعض في حب الأهلي، هو دي الحقيقة، ده الواقع اللي إحنا عايشينه، عشان كده يبقى في حالة غضب".

وأضاف “إنك تخسر بطولة مبقولش أقفل عليها وخلاص، أقول واحكي يا جماعة مطلوب كذا، يا جماعة لازم كذا، يا جماعة عايزين كذا يا جماعة، ماشي حقك تمام، بس أوعى تقلب على النادي، أوعى تقلب على النادي”.

وتابع “دايما عارفين المثل بيقولك أدعي على ابني واكره اللي يقول أمين، ده مثل جميل ما كنتش أعرفه زمان، بس أنت هنا متدعيش على النادي، أنت تدعي للنادى، تساند النادى، تشجع النادى، تقف جنب النادى”.

وواصل “تقول للناس قيمة هذا النادى، تقول للناس، يعنى إيه النادي الأهلي، تقول ناس الأهلي عنده ماتش يوم الأحد. مع شباب بلوزداد”.

وأردف “موجودين عشان نملى المدرجات، أنا لحد دلوقتي ما عنديش معلومة عن الإقبال على التذاكر، شكله عامل إزاي؟ بس لسه إحنا النهاردة الأربع والماتش يوم الأحد”.

وأكمل “عايز أسمع خبر يوم الجمعة إن شاء الله بإذن الله بدون مقاطعة، بالكتير السبت، إن التذاكر نفدت وتروح وتشجع، ولازم تبقى عارف إن الماتش دمه تقيل وماتش رزل”.

وأتم "ممكن الفوز يتأخر ممكن يبقى في مواقف محرجة في المباراة، بس حضرتك ورا النادي حضرتك في قلب النادي أو النادي في قلبك، احسبها زي ما إنت عايز، إنت في قلب النادي أو النادي في قلبك. أنا متأكد إن النادي في قلبك.